ஜார்ச்டவுன் – பினாங்கு இலகு இரயில் (LRT) திட்டத்தின் மேம்பாட்டாளரும் சொத்து உரிமையாளருமான மாஸ் ரேபிட் டிரான்சிட் கார்ப்பரேஷன் (MRT Corp), ஜார்ஜ்டவுனிலிருந்து பெர்மாத்தாங் டமார் லாவுட் வரை உள்ள ஒவ்வொரு நிலையத்திற்குமான போக்குவரத்து மேலாண்மைத் திட்டத்தை (TMP) தயாரிக்க வேண்டும் என பினாங்கு மாநகர் கழகம் (MBPP) நிபந்தனை விதித்துள்ளது.
மேலும் கருத்து தெரிவித்த உள்கட்டமைப்பு, போக்குவரத்து மற்றும் டிஜிட்டல் ஆட்சிக்குழு உறுப்பினர் சாய்ரில் கீர் ஜோஹாரி, கட்டாய நிவாரண நடவடிக்கைகளைப் பகுப்பாய்வு செய்து விரிவாக செயல்படுத்தும் வகையில் இந்த நிபந்தனை விதிக்கப்பட்டுள்ளதாகக் கூறினார்.
தஞ்சோங் பூங்கா மாநில சட்டமன்ற உறுப்பினருமான அவர், போக்குவரத்தை மேம்படுத்தும் குறுகியகாலத் திட்டங்களில், ட்ரோன்களின் பயன்பாடு முக்கிய பங்காற்றும் எனவும், அவை போக்குவரத்தை நுட்பமாகக் கண்காணிக்க உதவும் என்றும் அவர் கூறினார்.
2026 ஜனவரி முதல், இலகு போக்குவரத்து திட்டத்தின் ஒரு பகுதியாக புதிய U-திருப்பங்கள் நடைமுறைப்படுத்தப்படும். அதனுடன், ஜாலான் மேகசின், பாயான் லெப்பாஸ் தொழில்துறை பகுதி (FIZ), சன்னி பாயிண்ட் சந்திப்பு (பத்து உபான்) போன்ற முக்கிய இடங்களில் ஒருவழிப் போக்குவரத்து நடைமுறைகள் படிப்படியாக அறிமுகப்படுத்தப்படும்.
“வாகனப் போக்குவரத்தை சீர் செய்வதற்காக பல போக்குவரத்து சமிக்ஞை விளக்கு சந்திப்புகளும் MRT நிறுவனத்தால் மறுசீரமைக்கப்படும்.”
“கனரக வாகனங்கள் உச்ச நேரங்களுக்கு அப்பால் மட்டுமே அனுமதிக்கப்படும் வகையில் கட்டுமானப் பணிகளின் அட்டவணை செயல்படுத்தப்படும்,” என்று அவர் பினாங்கு மாநில சட்டமன்றத்தின் மூன்றாவது தவணையின் இரண்டாவது கூட்டத்தின் வாய்மொழி கேள்வி அமர்வில் விளக்கமளித்தார்.
“கனரக வாகனங்களுக்கு உச்ச நேரத்தை விடுத்து மற்ற நேரங்களில் மட்டுமே அனுமதி வழங்கப்படும் வகையில், கட்டுமானப் பணிகளுக்கான அட்டவணை திட்டமிடப்படும்,” என அவர் பினாங்கு மாநில சட்டமன்றத்தின் மூன்றாவது தவணையின் இரண்டாவது கூட்டத்தொடரின் வாய்மொழிக் கேள்வி அமர்வில் தெரிவித்தார்.
“நீண்டகால போக்குவரத்து நெரிசலைக் குறைக்கும் திட்டம் குறித்து, சம்பந்தப்பட்ட அதிகாரிகளிடமிருந்து ஒப்புதல் பெறப்பட்டால், முக்கிய சந்திப்புகளில் தடையற்ற போக்குவரத்தை செயல்படுத்துவது பயனுள்ளதாக நிரூபிக்கப்படும், இது தொடர்ந்து வாகனங்களின் சீரானப் போக்குவரத்தை உறுதி செய்ய முடியும் என்று அவர் கூறினார்.
அதைத் தவிர, பொதுமக்கள் மற்றும் சாலைப் பயனாளர்களிடமிருந்து தகவல்களைத் திரட்டவும், புகார்களைப் பெறவும் ஒரு பொதுவான தளம் உருவாக்கப்படும் என்றும், இதில் அனைத்து பெரிய அளவிலான அரசு மற்றும் தனியார் துறை திட்டங்களும் அடங்கும் என்றும் அவர் கூறினார்.
“இதனிடையே, பொதுப் போக்குவரத்தைப் பயன்படுத்துவதைப் பற்றி அறிந்துகொள்ள பொதுப் போக்குவரத்து சேவைகளைப் பயன்படுத்த ஊக்குவிக்கிறோம், இது எதிர்காலத்தில் முத்தியாரா பாதைக்கு இடைநிலை அமைப்பாகச் செயல்படும்.”
“கூடுதலாக, பேருந்து சேவைகள் வீட்டிலிருந்து அல்லது வேலையிலிருந்து LRT நிலையத்திற்கு பயணிக்கப் போதுமான இணைப்புகளை வழங்குவதை நாங்கள் உறுதி செய்வோம்,” என்று கெபுன் பூங்கா சட்டமன்ற உறுப்பினர் லீ பூன் ஹெங்கின் வாய்மொழி கேள்விக்குப் பதிலளித்த அவர் விளக்கினார்.