ஜார்ச்டவுன் – பினாங்கு நீர் விநியோக வாரியம் (PBAPP), மாநில நீர் விநியோக நிறுவனத்திற்கான நீண்டகால நிதியை வலுப்படுத்துவதற்கான ஒரு மூலோபாய முயற்சியாக, மாநில நீர் உள்கட்டமைப்பு மேம்பாட்டில் முதலீடு செய்வதோடு, ரிம5 பில்லியன் சுகுக் திட்டத்தையும் இன்று தொடங்கியுள்ளது.
இந்த வரலாற்றுப்பூர்வ நிகழ்ச்சியை மாநில முதலமைச்சர், மேதகு சாவ் கொன் இயோவ், மேபேங்க் முதலீட்டு வங்கி பெர்ஹாட் உடன் சுகுக் திட்டத்தைத் தொடங்கி வைத்தார்.
நிதி, பொருளாதார மேம்பாடு & நிலம் மற்றும் தகவல் தொடர்பு ஆட்சிக்குழு உறுப்பினருமான சாவ், யுனைடெட் ஓவர்சீஸ் வங்கி (மலேசியா) பெர்ஹாட் (UOB) சுகுக் திட்டத்திற்கான கூட்டு முன்னணி ஆலோசகர், கூட்டு முன்னணி ஏற்பாட்டாளர் மற்றும் கூட்டு முன்னணி மேலாளராக நியமிக்கப்பட்டுள்ளதாகத் தெரிவித்தார்.
“PBAPP இன் நிலையான நிதி கட்டமைப்பை நிறுவுவதற்கான ஒரே நிலையான கட்டமைப்பு ஆலோசகராகவும் மேபேங்க் முதலீட்டு வங்கி செயல்படுகிறது.
“மூலதனச் சந்தையை ஆராய்வதன் மூலம் நிதி ஆதாரங்களை பன்முகப்படுத்துவதற்கான PBAPP இன் நடவடிக்கையை மாநில அரசு ஆதரிக்கிறது. இந்த அணுகுமுறை அரசாங்கக் கடன்கள் மற்றும் மானியங்களைச் சார்ந்திருப்பதைக் குறைப்பதோடு எதிர்கால உள்கட்டமைப்புக்கு நிதியளிப்பதற்கான அளவிடக்கூடிய தளத்தையும் உருவாக்கும்,” என்று அவர் பினாங்கு மாரியட் தங்கும்விடுதியில் நடந்த தொடர்புடைய விழாவில் விளக்கமளித்தார்.
மேலும் கருத்து தெரிவித்த கொன் இயோவ், சுகுக் வெளியீட்டிலிருந்து கிடைக்கும் வருமானம், தோராயமாக ரிம2.099 பில்லியன் முதலீட்டு மதிப்புடன், 2030 நீர் தற்செயல் திட்டத்திற்கு (WCP 2030) நிதியளிக்கப் பயன்படுத்தப்படும் என்று கூறினார்.
பாடாங் கோத்தாவின் மாநில சட்டமன்ற உறுப்பினருமான சாவ், சுகுக் திட்டத்தின் மூலம், மூலதனச் செலவு (CAPEX) மற்றும் இயக்கச் செலவு (OPEX) மற்றும் PBAPP-க்கான மறுநிதியளிப்புத் தேவைகளாகவும் பயன்படுத்தப்படும் என்று கூறினார்.
“இந்த சுகுக் திட்டத்திலிருந்து கிடைக்கும் வருமானம் பினாங்கு பசுமை நிகழ்ச்சி நிரல் மற்றும் பினாங்கு2030 இலக்குடன் ஒத்துப்போகும் பிற பசுமை மற்றும் சமூக முயற்சிகளை ஆதரிக்கப் பயன்படுத்தப்படும்,” என்று பத்து காவான் நாடாளுமன்ற உறுப்பினருமான சாவ் விளக்கமளித்தார்.
முன்னதாகப் பேசிய PBAPP தலைமை நிர்வாக அதிகாரி டத்தோ கே.பத்மநாதன், இன்று தொடங்கப்பட்ட தொடக்க ரிம5 பில்லியன் இஸ்லாமிய நடுத்தர கால குறிப்புகள் (IMTN) திட்டம் மற்றும் நிலையான நிதிக் கட்டமைப்பை வழங்கும் இத்திட்டமானது இந்த மாநிலத்தின் ஒரே நீர் விநியோகம் நிறுவனமான PBAPP -க்கு ஒரு வரலாற்று தருணமாக அமைகிறது என்று விவரித்தார்.
“IMTN திட்டம் ஷரியா-இணக்கமான சுகுக் வகாலா கட்டமைப்பைப் பயன்படுத்துகிறது, இது PBAPP மலேசிய மூலதனச் சந்தை மூலம் நடுத்தர முதல் நீண்ட கால நிதியுதவியை நிலையான மற்றும் அளவிடக்கூடிய முறையில் பெற உதவுகிறது,” என்று அவர் விளக்கமளித்தார்.
இந்நிகழ்ச்சியில், மேபேங் குளோபல் பேங்கிங் குழுமத்தின் தலைமை நிர்வாக அதிகாரி டத்தோ ஜான் சோங் மற்றும் UOB மலேசியாவின் தலைமை நிர்வாக அதிகாரி இங் வெய் வெய் ஆகியோரும் PBAPP உடனான நிறுவன ஒத்துழைப்பு விழாவை நேரில் பார்வையிட்டனர்.