ஜார்ச்டவுன் – பினாங்கு மாநில அரசு சட்டத்தின் படி மூல நீர் வளங்களுக்கான உரிமைகள் பெறும் தீர்மானத்தில் உறுதியாக உள்ளது, மாறாக பல்வேறு தரப்பினரை புண்படுத்தும் அறிக்கைகள் மூலம் அல்ல என மாநில முதல்வர் சாவ் கொன் யாவ் தெளிவுப்படுத்தினார்.
முதல்வர், பாகான் டாலாம் சட்டமன்ற உறுப்பினர் சத்தீஸ் கேள்விக்கு பதிலளிக்கும் போது அவர் இந்த விஷயத்தை வலியுறுத்தினார்.
மேலும் கருத்து தெரிவிக்கையில், கெடாவில் செயல்படுத்தப்படவுள்ள திட்டத்தால் பினாங்கின் உரிமைகள் பாதிக்கப்படாமல் இருப்பதை உறுதி செய்ய மத்திய அரசு அதன் பங்கை ஆற்ற வேண்டும் என்று சாவ் நம்பிக்கை தெரிவித்தார்.
“கெடாவில் செயல்படுத்தப்படும் எந்தவொரு திட்டமும் இந்த மாநிலத்தில் உள்ள மக்களின் பயன்பாட்டிற்காக சுத்தமான தண்ணீர் பெறுவதற்கான பினாங்கு மக்களின் உரிமையை பாதிக்காமல் இருப்பதை மத்திய அரசு உறுதி செய்ய வேண்டும், ” என்று அவர் சூளுரைத்தார்.
இதற்கிடையில், நாட்டின் முன்னணி நீர் வழங்கல் நிறுவனமான பினாங்கு நீர் விநியோக வாரியம் கெடா உள்ளிட்ட நீர் பிரச்சினைகளை எதிர்கொள்ளும் எந்த மாநிலத்திற்கும் உதவ எப்போதும் தயாராக இருப்பதாக அவர் கூறினார்.
“சமீபத்தில் பஹாங் மாநிலத்தில் ஏற்பட்ட வெள்ளத்தால் பாதிக்கப்பட்டவர்களுக்கு உதவ பி.பி.ஏ வாரியம் அதன் பணியாளர்கள் மற்றும் நீர் தொட்டிகளை அனுப்பியதற்கு அம்மாநில மந்திரி பெசரிடமிருந்து மாநில அரசிற்கு நன்றி கடிதம் பெற்றுள்ளது.
“கெடா மாநிலத்திலும், அவசர நிலை ஏற்பட்டால், இவ்வாரியம் கண்டிப்பாக அங்குள்ள மக்களுக்கும் உதவும் ”என்று சாவ் விளக்கமளித்தார்.
நேற்று, பி.பி.ஏ ஒரு அறிக்கையில், டாருல் அமான் நீர் நிறுவனத்திடமிருந்து ஒரு விண்ணப்பத்தைப் பெற்ற பின்னர், கெடாவில் அவசர குழாய்களை நிறுவுதல் மற்றும் நீர் விநியோகிக்கும் பணிகளை மேற்கொண்டு வருவதாக தெரிவிக்கப்பட்டது.
அதுமட்டுமின்றி, பினாங்கு நில விதிகள் 2005-ஐ மாற்றுவதற்காக பினாங்கு மாநில அரசு ஜனவரி 6 ஆம் தேதி பினாங்கு நில விதிகள் (பி.எல்.ஆர்) 2021 வரைவு தாக்கல் செய்ததாக மாநில முதல்வர் தெரிவித்தார்.
அவரைப் பொறுத்தவரை, பி.எல்.ஆர் 2021 ஐ செயல்படுத்துவது, தற்போதுள்ள நில நிர்வாகத்தை புதுப்பிப்பதும், தேசிய நிலக் குறியீடு (கே.டி.என்) மற்றும் மாநிலத்தில் நடைபெற்று வரும் மேம்பாடுகள் அடிப்படையில் தற்போதைய மாற்றங்களின் பிரதிபலிப்பாகும்.
“இருப்பினும், தற்போது, பி.எல்.ஆர் 2021 ‘அரசிதழ் பதிவு ‘ செய்யப்படவில்லை, மேலும் எதிர்காலத்தில் செய்யப்படும். அதே நேரத்தில் அமலாக்கமானப் பணிகள் அறிவிக்கப்பட்ட தேதியில் தொடரப்படும், ”என்று அவர் விளக்கினார்.
இதற்கிடையில், பினாங்கு மாநில அரசாங்கமும் தொழில் துறையை மேம்படுத்துவதற்கான ஒரு புதிய வழிமுறையைத் தேடுகிறது.
“தற்போது, அங்கீகரிக்கப்பட்ட அனைத்து விண்ணப்பங்களும் 60 ஆண்டுகளுக்கு நீட்டிக்கப்படும். மேலும் அனைத்து நீட்டிப்பு பயன்பாடுகளிலும் எந்த வழிகாட்டுதல்களும் கட்டுப்பாடுகளும் இல்லை. இதன் விளைவாக முதலீட்டாளர்கள் இந்த விஷயத்தில் தெளிவான தகவல்களைக் கொண்டிருக்கவில்லை.
எனவே, பினாங்கு மேம்பாட்டுக் கழகம் (பி.டி.சி) தொழில்துறை நிலங்களில் 60 ஆண்டுகளுக்கு குத்தகைக்கு வழங்கக்கூடிய ஊக்க விதிகளுடன் மிகவும் வெளிப்படையான முறையைப் பின்பற்றுமாறு கேட்டுக் கொள்ளப்படுகிறது. மேலும் குத்தகை இன்னும் 10 முதல் 20 ஆண்டுகளில் காலாவதியாகும், ” என்று நினைவுறுத்தினார்.